OBRADOIRO DE DOBRAXE

O alumnado de 2º de ESO participou hoxe nun Obradoiro de Dobraxe na Casa da Cultura de Sada, grazas á iniciativa do Concello e coa colaboración da biblioteca A Esperela.

Aprendimos os fundamentos da dobraxe e fixemos unha curtametraxe baseada en "Crepúsculo". Foi moi divertido!!

Obradoiro de Dobraxe de Inés de Nieves

IMG_3021 from Inés de Nieves Lamas on Vimeo.

DÍA DO LIBRO

VISITA A "MOITO CONTO"

Dentro das actividades do Día do Libro, o alumnado de 3º de ESO visitou hoxe a libraría "Moito Conto" da Coruña, onde tod@s mercamos libros para A Esperela. Volvimos para O Mosteirón tan contentos, cuns trinta libros novos e un sorriso na cara.

Moitas grazas a estas libreiras!!

MOBILIARIO NOVO

Para facilitar as consultas, na Esperela temos un carriño novo con libros ilustrados e banda deseñada de Historia. Que vos parece?

PRESUME DE LER E DÉIXATE VER

Nesta semana do Libro, comezamos coa nosa actividade "Presume de ler e déixate ver". Atendede ás recomendacións dos compañeiros e compañeiras...

LEMBRANDO A GABRIEL GARCÍA MÁRQUEZ

Hoxe cúmprense catro anos do pasamento de Gabriel García Márquez, un dos escritores máis importantes do século XX. Representante do realismo máxico, obtivo o Premio Nobel de Literatura en 1982.

VISITA DE HÉCTOR CAJARAVILLE

Héctor Cajaraville visitou hoxe A Esperela para falar co alumnado de 4º de ESO do seu libro A caixiña dos rancores. Que a gusto estivemos! Grazas, Héctor!

SEGUNDA REPÚBLICA ESPAÑOLA

OUTRA DE ATRAPASOÑOS

Na sesión de hoxe, o libro escollido foi Pioneiras, escrito por Anaír Rodríguez e ilustrado por Nuria Díaz. 

Este libro fala de doce mulleres que conseguiron vencer as barreiras impostas ao seu xénero e dar os primeiros pasos por vieiros transitados ata ese momento só por homes. Mulleres reais e diversas que no seu día foron pioneiras en diferentes ámbitos e cuxas historias merecen ser coñecidas e postas en valor.

APADRIÑAMENTOS LECTORES

Hoxe tivemos unha nova sesión de apadriñamento lector para os cativiños de Educación Infantil 4 anos. Unha xornada inesquecible!!

APADRIÑAMENTO LECTOR de Inés de Nieves

HÉCTOR CAJARAVILLE NA ESPERELA

PARABÉNS, CAROLINA!!

A nosa querida exalumna Carolina Gómez Garrido, acadou o segundo posto na Olimpiada Galega de Economía que tivo lugar o pasado sábado en Ourense. Non podemos estar máis orgullosas dela. 

PARABÉNS, CAROLINA!!!

ADEUS AO DIRECTOR ISAO TAKAHATA

O director de cine xaponés e cofundador do Studio Ghibli, Isao Takahata, faleceu aos 82 anos. Era creador, entre outras moitas, de series tan coñecidas como Heidi ou Marco. 

Destacamos a súa película La tumba de las luciérnagas, un emotivo alegato antibelicista ambientado na Segunda Guerra Mundial e considerada unha das mellores películas de todos os tempos.

SESIÓN DE ATRAPASOÑOS NA ESPERELA

O libro escollido para a sesión de Atrapasoños de hoxe foi Un bosque cheo de faias, de Francisco Castro, un texto sobre a violencia, o racismo e o poder da amizade.

No sorteo, o agasallo foi para Andrea, parabéns!

75 ANOS DE "O PRINCIPIÑO"

A obra de Antoine de Saint-Exupéry publicouse en abril de 1943 e converteuse nunha referencia mundial, grazas á súa reflexión sobre a vida e a natureza humana.

"Todas as persoas maiores foron ao principio nenos
 (aínda que poucas delas o recordan)".

DÍA INTERNACIONAL DO LIBRO INFANTIL

"OS LIBROS FAN GRANDE O MÁIS PEQUENO"

BOLETÍN DE ABRIL

76 ANOS DA MORTE DE MIGUEL HERNÁNDEZ

O 28 de marzo de 1942 o poeta Miguel Hernández morría de tuberculose na enfermaría do cárcere de Alacant.

DÍA MUNDIAL DO TEATRO

POESÍA NO ATRAPASOÑOS

Ao ser onte o Día da Poesía, hoxe tivemos na Esperela un Atrapasoños moi especial. Xuntámonos os dous grupos para ler poemas de épocas e autor@s moi variad@s. Foi unha sesión estupenda!

Grazas, Belén, por facelo posible!!