10/02/12

RECOMENDACIÓNS SEMANAIS

Presume de ler e déixate ver

Martín Gómez Chas, 2 ESO C
A casa da luz, Xabier P. Docampo

Alicia e os seus amigos, Anxo, Álvaro, Aida e Alba, coñeceron a Pumariño (un home maior que picaba nos balados e muros das casas en busca dun pucheiro con ouro) cando os axudou a facer unha cabana.
Un día, Pumariño picou na parede dunha casa e montouse unha gran revolta e os habitantes da vila ameazárono. Un tempo despois, Purmariño non apareceu e Alicia preocupouse e cos seus amigos foron á súa casa. Alí estaba Pumariño, que os deixou entrar e a casa estaba chea de cousas que encontrara polos balados e uns cadros dunhas mans xuntas, moi bonitas, que fixera coa axuda dun cadro de Durero.
Ao día seguinte, Pumariño levounos a unha casa chea de cadros nos que se podían meter, e Alicia, Pumariño, Álvaro e Anxo probaron a meterse e o tempo parábase.
Ao seguinte día, entraron nun cadro dunha torre na que había un labirinto, onde atoparon unha cidade na que os gardas deixábanos entrar se non falaban con ningún dos miles de traballadores e habitantes da cidade. Alí encontraron a Duarte, o dono da casa e os cadros, nunha taberna. Falan con el e Purmariño desaparece e encóntrano na parte superior da torre co pucheiro de ouro.
Os gardas collen a Álvaro, Duarte, Alba, Anxo e Aida, pero Alicia rescátaos e van na busca de Pumariño. Subindo encontran unhas escaleiras que non se sabía se subían ou baixaban, os gardas perseguen os nenos ata chegar arriba, onde estaba unha muller moi bela cun libro no que o vento move as follas. Pero entón os pillan e o xefe da torre captura a Alicia e ameázaa con matala se non lle dan o pucheiro, pero Pumariño estámpalle o pucheiro na cabeza e rómpese, co que empezan a caer moedas de ouro que collen os traballadores e habitantes. Para escapar pintan o cadro na fachada branca dunha casa e escapan.
O seguinte día apareceu o cadro da torre cunha muller no alto e unha cidade debaixo.
Este libro gustoume moito pola fantasía de meterse nos cadros e descubrir novas sensacións.

09/02/12

NOVAS REVISTAS NA ESPERELA

Cumprimos a nosa promesa e por fin temos na Esperela as revistas mensuais que estabades esperando: 

                                             
Coidádeas, son para tod@s. Tede en conta que só as podedes consultar na biblioteca e que non se levan para casa nin para as aulas. 
Aproveitade os recreos para estar ao día!

08/02/12

IMAXE DO DÍA


"Non hai barreira, pechadura, nin ferrollo que poidas impoñer 
á liberdade da miña mente".

                                                                Virginia Woolf
                                                              

07/02/12

CHARLES DICKENS

Hoxe celebramos o bicentenario do nacemento de Charles Dickens. Mirade este glogster se queredes saber máis do autor de novelas como David Copperfield ou Oliver Twist:

06/02/12

RUSSIAN RED E JANE JOYD EN CONCERTO

O próximo día 11 de febreiro teremos a oportunidade de ver en directo á cantante e compositora madrileña Russian Red no centro Ágora, onde presentará o seu último álbum, Fuerteventura.
Neste vídeo podedes vela cantando Cigarrettes, o tema que foi banda sonora da película Camino.

Cantará con ela a coruñesa Jane Joyd, unha das propostas con máis potencial no panorama independente, gañadora do premio Proyecto Demo 2011, o galardón español máis importante dentro do ámbito "indie".