DORIS LESSING.

Grazas a Biblioteca do IES Concepción Arenal podemos coñecer un pouco mais a escritora Doris Lessing.

GRAZAS por tan excelente traballo

Doris_Lessing

View more presentations or Upload your own.

Unha muller defensora dos dereitos da muller, imprescindible.

PROCURA CON CIENCIA II

RESPOSTAS

1º e 2º ESO

PREGUNTA: Cal é a orixe da palabra ROBOT?

A palabra ROBOT foi creada en 1920 polo escritor checo Karel Capek na súa obra de teatro Los robots universales de Rossum para dar nome a un androide construído por un sabio, capaz de levar a cabo todos os traballos normalmente executados polo home.

Gran Enciclolpedia Larousse, Tomo 20, página 9.499

Gran Enciclopedia Planeta, Tomo 17, página 8.432

3º e 4º ESO

PREGUNTA: Pódese ferver auga nun recipiente de papel?

RESPOSTA

Aínda que pareza incrible pódese, sempre que sexa capaz de soster o peso da auga. Toda a calor que recibe o papel transmítese rapidamente á auga. Mentres quede unha gota de auga, o papel non se queimará.

A auga ferve, a presión normal (1 atm), a 100ºC. A esa temperatura o papel non arde xa que necesita unha temperatura superior; en concreto, a temperatura de combustión do papel é de 232,7ºC.

A temperatura de combustión do papel en grados Fahrenheit é de 451ºF, título dunha novela publicada en 1953 polo escritor estadounidense Ray Bradbury

Bradbury R. Fahrenheit 451, página 7

SEGUIMOS, novas preguntas para esta semana:

1º e 2º ESO

PREGUNTA

Nas saídas ao campo, todo bo excursionista ten que contar con recursos para emerxencias, ou tomar decisións importantes.

Existe un xeito de calcular canto tempo falta para que o Sol se poña utilizando unha parte do corpo. É un método que todo participante nas carreiras de orientación coñece.

Cal é este método?

3º e 4º ESO   

Tema: O código binario e os ordenadores.

Introdución

Na maioría das culturas actuais se utiliza o sistema de numeración decimal para realizar cálculos consistente en utilizar 10 símbolos procedentes do sistema de numeración árabe. Porén os ordenadores utilizan outros sistemas de numeráción para facer os seus cálculos: o código binario e o sistema hexadecimal. O primeiro deles é o maís sinxelo e está formado só por dous símbolos. 

PREGUNTA:

Cal é a razón técnica pola que os ordenadores utilizan o código binario para realizar os seus cálculos?

Moito ánimo nas pescudas...é imprescindible citar a fonte bibliográfica correctamente.

DÍA DA MUNDIAL DA CIENCIA: PROCURA CON CIENCIA

"No ano 2001, a UNESCO decidiu declarar o 10 de novembro como Día Mundial da Ciencia para a Paz e o Desenvolvemento coa finalidade de, por unha  banda, promover a utilización responsable da ciencia en beneficio das sociedades e, nomeadamente, na erradicación da pobreza e a prol da seguridade humana; por outra, conseguir unha maior conciencia social da importancia da ciencia e a redución da fenda existente entre a ciencia e a sociedade.

A Esperela faise eco desta conmemoración continuando co concurso: "PROCURA CON CIENCIA".

Respostas as preguntas da semana pasada:

1º CICLO ESO

Pregúntanlle a J.C. Polanyi por que os científicos teñen a necesidade de explicalo todo e este contesta citando a Sócrates.

Averigua que contesta Sócrates hai tres mil anos

RESPOSTA:

"Simplemente porque sinto a necesidade de coñecerme a min mesmo e coñecer todo o demais "

Stiekel B Los niños preguntan, los Premios Nobel contestan (página 23)

2º CICLO ESO 

Cando unha substancia en estado líquido arrefríase contrae o seu volume. Se a temperatura baixa o suficiente (punto de fusión) esta substancia cambia de estado de líquido a sólido e a súa densidade aumenta. Segundo isto,

Por que o xeo flota sobre a auga?

Por que esta característica da auga é especialmente útil para a vida?

RESPOSTAS:

Cando a auga arrefríase contrae o seu volume como todos os líquidos, pero ao chegar aos 4ºC cesa esta contracción e a súa estructura se dilata hasta transformarse en xeo no punto de conxelación. Este fenómeno se conoce como dilatación anómala da auga e explica porque o xeo flota na auga ao ter menor densidade que esta.

A causa desta dilatación anómala hai que buscala na estrutrura interna: o xeo é un cristal molecular, é dicir, un enrexado de moléculas de auga unidas unhas a outras por enlaces de hidróxeno formando estruturas hexagonais (fíxate no debuxo).Trátase dunha estrutura moi expandida. Ao fundirse o xeo, esta estrutura se desmorona parcialmente (desaparecen parte dos enlaces de hidróxeno) orixinándose un retículo que ocupa menos espacio e, polo tanto, é mais denso.

Gracias a esta anomalía da auga, os lagos, ríos e mares comezan a conxelarse dende a superficie hacia abaixo, e esta capa de xeo superficial aisla térmicamente do exterior aos seres vivos que viven neles, pois aunque a temperatura ambiental sexa extremadamente baixa (-50ºC ou -60ºC), a temperatura da auga do fondo non supera os 4ºC ou 5ºC (algo similar ao que ocurre no interior das casas dos esquimós).

Petrucci, Harwood e Herring Química General, página 502

Gran Enciclopedia Larousse Tomo 11, página 5404

Hann J La Ciencia en tus manos, página 21

Esperamos que acertarades, non hai problema sen solución: novas preguntas para esta semana.

1º e 2º ESO

Cando oímos a palabra ROBOT veñen a nós imaxes de películas de Ciencia Ficción ou de novelas de autores como Isaac Asimov. O termo ROBOT é unha palabra de recente aparicicón que designa a un conxunto moi amplo de dispositivos con funcións moi variadas pero,… ¿Cal é e súa orixe?

PREGUNTA: Cal é a orixe da palabra ROBOT?

3º e 4º ESO

PREGUNTA

Pódese ferver auga nun recipiente de papel?

Animo e a investigar

 
Lémbrate de visitar na cafetaría a Exposición: "A muller na ciencia,no pensamento e na música". Organizada polo EDLG 

CONCURSO XEROGLÍFICOS: ENTREGA DE PREMIOS

Hoxe asistimos á sesión de desempate entre os participantes no concurso que acertaron mais xeroglíficos.

Yulisa e  Juan en pleno traballo

                                                          

 

Juan foi o primeiro en lograr a solución e merecer o premio: un libro, un xogo de estratexia e un vale de 10 € para gastar na cafetería (decidiron compartilo). 

Parabéns 

Este foi o xeroglífico a resolver 

Agora tócache intentalo...non vale preguntarlle a Juan nin a Yulisa. Podes dar a túa solución como comentario. 

Grazas a todos os participantes.

MIGUEL ANXO PRADO: PREMIO NACIONAL DE CÓMIC

Ardalén de Miguelanxo Prado acaba de acadar o Premio Nacional de Cómic.

Esta obra que xa fora declarada Mejor Obra de Autor Español do 2012 no Salón Internacional do Cómic de Barcelona, é a primeira banda deseñada galega que acada este galardón.

O xurado destacou o caracter poético da obra, que mestura a realidade co soño, a memoria e o esquecemento, e a súa mestría técnica no uso da cor.
Parabéns para o autor e para toda a banda deseñada galega. 

Obras do autor na biblioteca:

- Ardalén 

- Pedro y el lobo

- Manuel Montano el manantial de la noche

- Stratos

- De profundis

                                                         

CONCURSO PROCURA CON CIENCIA

CONCURSO

PROCURA CON CIENCIA

Durante o mes de novembro formularanse catro preguntas (unha por semana) relacionadas coa CIENCIA.

Trátase de que atopes a resposta correcta empregando os recursos que tes na túa biblioteca.

Haberá premios para os gañadores e gañadoras. 

Anímate e participa!

BASES DO CONCURSO:

1.- Poderán participar todos aqueles alumnos e alumnas que teñan interese en aprender algo novo sobre a CIENCIA.

2.- A forma de participar será en grupos de dous alumnos/as do mesmo ciclo da ESO.

3.- A pregunta semanal (unha para o primeiro ciclo e outra para o segundo ciclo) aparacerá os luns publicada nos taboleiros das aulas e no taboleiro e no blog da biblioteca. Haberá que dar a resposta antes do venres da mesma semana que se formulou a pregunta.

4. A resposta hai que anotala na folla que facilitarán para tal fin os colaboradores/as da biblioteca (amarela para o primeiro ciclo e branca para o segundo ciclo). Deberá ir acompañada dos datos da fonte (libro, enciclopedia, revista, etc.) na que se atopa. Estos datos hai que indicalos correctamente: título da obra (e páxina) así como o autor/a da mesma.

5.- De comprobarse que a resposta non aparece na fonte indicada, aínda que sexa correcta, non se dará por válida.

6.- O venres de cada semana publicarase a listaxe cos gañadores/as xunto coa resposta correcta.

7.- En caso de empate formularanse novas preguntas.

PREGUNTAS:

1ª- 1º CICLO:

Pregúntanlle a J.C. Polanyi por que os científicos teñen a necesidade de explicalo todo e este contesta citando a Sócrates.

Averigua que contesta Sócrates hai tres mil anos

1ª- 2º CICLO:

Cando unha substancia en estado líquido arrefríase contrae o seu volume. Se a temperatura baixa o suficiente (punto de fusión) esta substancia cambia de estado de líquido a sólido e a súa densidade aumenta. Segundo isto,

Por que o xeo flota sobre a auga?

Por que esta característica da auga é especialmente útil para a vida?

Busca parella e investiga!

"LE SEN MEDO"

Asi foi o Samaín na biblioteca
SAMAÍN 13 on PhotoPeach

Grazas aos participantes e  alumnado axudante pola colaboración.

Recordade que hay moitas historias esperendo ser lidas: 

 "Le sen Medo" 

CONCURSO XEROGLÍFICOS III

Solucións dos últimos xeroglíficos publicados:
Nº 5: CAMBRE, CAM (-A) B  RE

 

Nº 6: OLEIROS, O LE-IRO (O RI Ó REVÉS)-S

 

Concursantes con maior nº de acertos:

- Pula Pacheco: 4 acertos

- Yulisa Pérez: 4 acertos

- Juan D. Nogueira: 4 acertos. 

Ao producirse empate entre estes tres concursantes, teñen que acudir á fase de desempate a celebrar o martes 5 de novembro durante o 2º recreo na biblioteca.

Felicitacións polos resultados e sorte.
Animade aos vosos compañeiros na solución do novo reto que lles espera.

SAMAÍN

O mércores 30 de outubro, durante os recreos, leremos contos de medo. Ven a pasalo de medo á biblioteca.

Para saber un pouco máis sobre algúns personaxes das historias de medo na cultura popular galega podedes ver este traballo realizado polo EDLG do IES de Rodeira (Cangas) GRAZAS

Terror galego from quendadeira

Non te vaias de ponte sen levar algunha lectura das recomendadas. Mira a exposición que preparamos e escolle.

Xabier P. Docampo: Cando petan na porta pola noite.

Agustín Fernández Paz: Aire negro

M. Lourenzo González: Irmán do vento 

Xosé Miranda: Pel de lobo,

Agustín Agra: Trampa de luz
francisco Hinojosa: Una semana en Lugano.

Xosé Miranda: Arrepios e outros medos.
Carlos Ruiz Zafón: Marina
César Mallorquí: La caligrafía secreta.
Anxel Fole: Contos de lobos e outros relatos.
Vicente Muñoz Puelles: Cuentos españoles de terror.
Edgar Allan Poe: Cuentos
Marcos Calveiro: El Samurái del Rey.
H. P. Lovencraft: Relatos de terror

E moitos mais 

CONCURSO XEROGLÍFICOS II

Solucións aos dous xeroglíficos anteriores:
Nº 3: BERGONDO: BER- GOND [D (500) NO G, Ó REVÉS]- O

Nº 4: A CORUÑA: A COR U -ÑA

Agora imos cos dous últimos, tes de prazo para responder ata o mércores 30:

Nº 5:

Nº 6:

Por si necesitas axuda: CONSULTA AS NORMAS PARA RESOLVELOS    PARTICIPA  

Traballo editado por: Emilio R. Galiñanes. Galicia en Xeroglíficos. Ed. Sotelo Branco

24 DE OUTUBRO: DÍA DAS BIBLIOTECAS

IASL: International Association of School Librarianship ven organizando dende fai anos o mes das biblotecas escolares.

A  Asesoría de bibliotecas escolares apoia esta iniciativa internacional cunha chamada á realización de actividades que sirvan para facer visible a biblioteca nos centros. O lema elixido para este curso 2013/2014, LER CIENCIA NA BIBLIOTECA ESCOLAR, trata de sensibilizar sobre a importancia da lectura de textos de carácter científico, de textos divulgativos ou de textos literarios que tratan temas relacionados coa ciencia.

A ilustración é de PATRICIA CASTELAO.  

Algunha vez pensastes no que ocorre na biblioteca cando os libros quedan sos?

Recorda  pedir o teu agasallo cando vaias á biblioteca 

Parabéns A Esperela

CONCURSO XEROGLÍFICOS I

Solucións aos dous primeiros xegoglíficos:
Nº1: SADA (NADA con S por N)

Nº2: BETANZOS: B-ETA (ZETA menos Z)-NZOS (NÓS con Z intercalado)

Agora atrévete cos dous seguintes, tes de prazo para responder ata o luns 28.

Nº 3

Nº 4

 

Por si necesitas axuda: CONSULTA AS NORMAS PARA RESOLVELOS    PARTICIPA  

Traballo editado por: Emilio R. Galiñanes. Galicia en Xeroglíficos. Ed. Sotelo Branco

CONCURSO DE XEROGLÍFICOS

 COÑECES AS VILAS E CONCELLOS DAS MARIÑAS?

Iniciamos esta semana un concurso de xeroglíficos, todos eles teñen en común ser nomes de vilas e cidades das "Mariñas".
Descobre os seus nomes e cobre a túa resposta na folla de participación que tes a tua disposición na biblioteca (LEMBRA O Nº DO XEROGLÍFICO)
Tes de prazo ata o mércores 23 de outubro, ese día publicaremos as respostas dos dous primeiros xeroglíficos.
Volveremos a publicar dous novos para que presentedes as vosas solucións ata o luns 28, día no que volveremos publicar outros dous.
Poden participar todos os membros da comunidade escolar. Proclamárase gañador o participante que logre maior número de respostas acertadas.

En caso de empate convocárase aos interesados para unha rolda de desempate.  

Aqui tes os dous primeiros:

Nº 1

Nº 2

Por si necesitas axuda: CONSULTA AS NORMAS PARA RESOLVELOS    PARTICIPA

Traballo editado por: Emilio R. Galiñanes. Galicia en Xeroglíficos. Ed. Sotelo Branco  

CÉSAR MALLORQUÍ: PREMIO NACIONAL DE LITERATURA INFANTIL E XUVENIL

César Mallorquí: " A recompensa non son os premios, senón os lectores"

"Aos meus lectores afortunadamente gústalles o que escribo. Paréceme unha marabilla que calquera rapaz lea, e máis si axudeille eu a gozar", engadiu o autor de "A Illa de Bowen", título da obra galardonada. (Vía Europapress)

Podes ler o seu blog: "La fraternidad de Babel"


Na Esperela podes atopar estas  obras do autor:
- Las lágrimas de Shiva. Mira esta opinión dunha exalumna
- La Fraternidad de Eihwaz
- La caligrafía secreta 
- Moi pronto  A Illa de Bowen
Felicitamos ao autor e esperamos seguir gozando das súas obras. Animarvos a lelas.

MALALA: UN EXEMPLO PARA TODOS NÓS

O Parlamento Europeo outorgou o premio Sájarov á liberdade de conciencia a Malala Yousafzai, a nena paquistaní que recibiu un disparo por parte dos talibanes pola súa defensa do dereito á educación no seu país.

Malala empezou a ser coñecida no mundo anglosaxón polo seu blog, no que defendía o dereito das nenas a recibir educación. En outubro de 2012 empezouse a facer globalmente famosa mentres os médicos intentaban salvar a súa vida. A súa é unha existencia curta, aínda, pero chea de duras emocións.

A concesión do premio coincide co  Día Internacional da Nena 2013, que se celebra hoxe 11 de outubro, unha data para a que a ONU escolleu o  lema  'Innovar para a educación das nenas'.

 

PREMIO NACIONAL DE POESÍA

Manuel Álvarez Torneiro, primeiro autor en galego en recibir o Premio Nacional de Poesía pola obra "Os Ángulos da Brasa" na que o autor reflexiona sobre a cotidianeidade, as emocións  íntimas e os pensamentos existenciais, xogando coa dimensión simbólica da palabra.

O premio concédeo o Ministerio de Educación, Cultura e Deporte para distinguir a obra de autor español escrita en calquera das linguas oficiais do Estado e editada en 2012. 

Manuel Álvarez Torneiro, nado na Coruña o 7 de xullo de 1932, desenvolveu a súa carreira como xornalista e, aínda que foi un dos fundadores do grupo poético Amanecer nos anos 50 na Coruña, iniciouse tardiamente na publicación de poesía co seu debut en 1982 con "Memoria dun Silencio".

Parabéns ao autor, moi pronto a obra premiada á vosa disposición na biblioteca.

IMAXEN DO DIA

DÍA INTERNACIONAL DA NONVIOLENCIA

Con motivo da conmemoración, hoxe Mércores 2 de Outubro, do DÍA INTERNACIONAL DA NONVIOLENCIA, proclamado por Nacións Unidas  no aniversario do nacemento de Mahatma Gandhi, queremos compartir con vós un poema

 

   A ILLA EN REBELIÓN

   Soño

   cun mundo no que o ser humano

   xa non desprece ao ser humano

   onde reine o amor na terra

   onde adorne a paz os camiños.

   Soño cun mundo no que todos

   se deixen ir polas sendas doces da liberdade,

   onde a cobiza non ensombreza os nosos días.

   Soño cun mundo no que brancos e negros

   sexa cal sexa a vosa raza,

   compartan os dons da terra,

   onde todo ser humano sexa libre,

   onde a miseria vergoñenta agachará a cabeza,

   e a ledicia como unha perola preciosa,

   colmará os anhelos da humanidade.

   Velaquí o mundo co que soño.

 Langston Hughes