Fiz, o neno máis porco do mundo, creado por Kiko da Silva, quere promocionar a novos talentos da banda deseñada. Onte presentouse no Concello de Pontevedra o "Primeiro Premio de Banda Deseñada Fiz", para escolares de 8 a 12 anos, desde terceiro de educación primaria ata segundo de ESO. Os participantes deberán facer unha páxina coas aventuras do célebre personaxe, por suposto en galego.
O prazo de presentación rematará o 20 de decembro e os rapaces poden participar a través dos centros de ensino, agrupados por centros e clase, e tamén de maneira individual.
O primeiro premio en cada unha das dúas categorías consistirá nun trofeo de Fiz, unha ilustración orixinal do personaxe asinada polo seu autor, Kiko da Silva, e a publicación do traballo na revista.
Tamén haberá un premio colectivo que consistirá nun obradoiro de banda deseñada impartido polo propio Da Silva, entre as aulas dos centros de
ensino que presenten máis bandas deseñadas. O ilustrador ensinará aos rapaces trucos dos profesionais para facer banda deseñada.
Os traballos presentaranse no Concello de Pontevedra, Servizo de Normalización Lingüística, rúa do Arcebispo Malvar, 1, 360071. Pontevedra.
No exterior do sobre constará: I Premio de banda deseñada Fiz.
Nas súas obras, Gisbert desenvolve singulares aventuras que parten da vida real, coa súa parte de soño e imaxinación, para penetrar nas zonas descoñecidas da realidade, sen descoidar nunca a dimensión artística da escritura nin a riqueza expresiva da linguaxe. Inclúe nos seus temas elementos de mitos, contos e lendas de todos os tempos.
Ninguén, de Fran Alonso, o autor de Poetízate, é unha das novidades literarias do mes de outubro.Sara, unha muller que está farta dos ruídos da cidade, decide cambiar de estilo de vida. Un mozo vive obsesionado polas voces dos seus veciños, que lle impiden levar unha vida normal. Outra muller cítase nunha cafetería cun home ao que coñeceu a través de Internet. S. Lonely toma a decisión, por primeira vez na súa vida, de emprender unha pequena viaxe de vacacións para romper a rutina. Un escritor, que recibe correos dunha lista na que nunca se deu de alta, descobre a carga subversiva dos hoax, esas falsas cadeas que se envían a través do correo electrónico. Simultaneamente, diversos mails cruzan o ciberespazo deste libro singular. Estas son algunhas das historias e personaxes do novo libro de Fran Alonso.
Tomas Tranströmer Gösta, nado o 15 de abril de 1931 en Estocolmo, é un escritor, poeta e tradutor sueco, cuxa poesía foi traducida a máis de 60 idiomas. É o gañador do Premio Nobel de Literatura 2011, "xa que, a través das súas condensadas, transparentes imaxes, dános un acceso fresco á realidade". Tranströmer é aclamado como un dos escritores escandinavos, máis importantes dende a Segunda Guerra Mundial. Os críticos eloxiaron os poemas de Tranströmer pola súa accesibilidade, mesmo na tradución; as súas descricións dos longos invernos suecos, o ritmo das estacións e a palpable beleza da natureza. A súa obra poética foi traducida a máis de sesenta idiomas.
