14/04/12

SIMONE DE BEAUVOIR


O 14 de abril de 1986 morría en París a escritora e filósofa Simone de Beauvoir, figura fundamental do existencialismo e do feminismo. Estudou na Sorbona e alí coñeceu en 1929 ao tamén escritor Jean-Paul Sartre, que sería o seu compañeiro para o resto da vida.
O seu segundo libro, O segundo sexo (1949), supuxo un punto de partida teórico para distintos grupos feministas, xa que elabora unha historia sobre a condición social da muller analizando as distintas características da opresión masculina: ao ser excluída dos procesos de produción e confinada ao fogar e ás funcións reprodutivas, a muller perdía todos os vínculos sociais e con eles a posibilidade de ser libre.
Na Esperela recomendámosvos A muller rota, libro que reúne tres historias nas que as protagonistas son mulleres vítimas das relacións coas súas parellas, nas que o amor as leva a unha actitude abnegada que remata na insatisfacción e no illamento.


2 comentarios:

  1. Anónimo12:15 p.m.

    A Muller Rota é un dous meus libros favoritos.

    ResponderEliminar
    Respostas
    1. É unha lectura imprescindible, creo...

      Eliminar