22/05/12

ISAAC ULLOA HOMENAXEA A MOEBIUS



Jean Henri Gaston Giraud,  coñecido tamén como Moebius,  naceu en   Francia o 8 de Maio de 1938 e faleceu o 10 de Marzo de 2012.
Coa morte deste xenio, o cómic queda sen un dos grandes referentes dentro do cómic mundial. Moebius foi un dos primeiros en levar o cómic a un apartado máis grafico, no que toda a historia está narrada mediate viñetas e case sen palabras, como sucede en dúas das súas obras máis importantes como son Arzach e  The long tomorrow. Esta última está considerada como o cómic máis influínte no cine.


Moebius tamén levou o cómic a un apartado máis adulto xunto con outros autores como Will Eisner, Frank Miller e Alan Moore. O autor francés revolucionou a ciencia ficción ao traballar con Jodorowsky e facendo unha das obras máis importantes do xénero, O Incal.

O cómic neste momento está a altura da literatura en xeral. Hai obras dunha calidade boísima con argumentos complexos e o mesmo se pode dicir dos personaxes. Entre estas obras destacan as de Alan Moore como Watchmen, V de vendetta e From hellO Incal, varias obras de maestro Osamu Tezuka, etc.
O cómic conseguiu acadar en calidade a novela, pero segue sen recoñecérselle esa calidade, aínda que pouco a pouco estase a conseguir con xestos como o da revista Time que elixiu a Watchmen como unha das mellores 100 novelas en inglés desde 1923.

Autor: Isaac Ulloa, 1* de bacharelato.

Ningún comentario:

Publicar un comentario