ABRIDE A FIESTRA

BOLETÍN DE FEBREIRO

VISITA DO CEIP MOSTEIRÓN

Hoxe recibimos na Esperela a visita do alumnado de 6º de Primaria do CEIP Mosteirón. Ademais da benvida e explicacións da directora e o orientador, contamos coa colaboración de dous alumnos de 1º e dúas alumnas de 4º que fixeron de cicerones polo instituto e responderon as súas preguntas.

Despois dun almorzo, a rapazada marchou contenta cuns agasallos.

OUTRA SESIÓN DE ATRAPASOÑOS

Nesta sesión de Atrapasoños escoitamos e lemos uns textos de Sechu Sende pertencentes a Made in Galiza. A atención foi máxima, e as palabras de Belén, unha delicia!

DÍA DA PAZ

DÍA DA PAZ on PhotoPeach

UN FOTÓGRAFO NA ESPERELA

Hoxe visitounos na Esperela un fotógrafo de excepción, o noso amigo e ex alumno Jano Ennes. Jano quixo colaborar con nós facendo unhas fotos preciosas da nosa biblioteca.
Se queredes coñecer o seu traballo podedes pasarvos por instagram @archivo55

GRAZAS, JANO!!

SESIÓN DE ATRAPASOÑOS

Nova sesión de Atrapasoños na Esperela, desta vez co relato "Sabela", pertencente a Retrincos, de Castelao.

Grazas pola participación, rapazada!!

LEMBRAMOS A VIRGINIA WOLF

Virginia Wolf, nada en Londres o 25 de xaneiro de 1882 e finada o 28 de marzo de 1941, foi unha escritora e ensaísta británica, autora de libros tan recoñecidos como Un cuarto de seu.

ADEUS A NICANOR PARRA

O poeta chileno Nicanor Parra faleceu hoxe en Santiago aos 103 anos. Foi creador do movemento chamado "antipoesía" e gañador de moitos premios literarios, entre eles o Premio Cervantes.

RECITAL POÉTICO ALDAO+LADO

Que sorte para o alumnado de 3º e 4º!! Hoxe tivemos na Esperela dúas mulleres poderosas: Lucía Aldao e María Lado. Xa estiveran en Mosteirón hai algúns anos, e o éxito fora tal que estabamos desexando que volvesen. A visita non defraudou: cantaron, contaron e recitaron, e todo de marabilla!

ALDAO+LADO on PhotoPeach

Grazas, amigas!!!

BOLETÍN DE XANEIRO

NOVA SESIÓN DE ATRAPASOÑOS

Presentación – Diseño sin título de Inés de Nieves

Na sesión de onte de Atrapasoños limos o conto "A moza do pantalón pirata", de Manuel Rivas e pertencente a Que me queres, amor?

RECITAL POÉTICO NA ESPERELA

PREMIO NADAL 2018

Alejandro Palomas (Barcelona, 1967) gaña o Premio Nadal 2018 coa súa novela Un amor, que define así: "Unha familia, 24 horas antes dunha voda, todo ben; unha chamada, todo vai mal... e empeza a vida". 

O autor, que escribe tanto en catalán como en castelán e que en 2016 xa obtivera o Premio Nacional de Literatura Infantil e Xuvenil, confesa que busca atraer o lector polas emocións.

CAMBIOS NA ESPERELA!!

Visitade A Esperela, veredes que cambio!!

NOITE DE REIS!!

Toda a felicidade nesta noite máxica!
Na Esperela tamén vos agarda unha sorpresiña...

FELIZ 2018!!!

AS VISITAS AO NOSO BLOG

AS NOSAS RECOMENDACIÓNS PARA O NADAL

recomendacións de Inés de Nieves

E OUTRA DE ATRAPASOÑOS...

Este xoves tivemos a última xuntanza dos Atrapasoños pequenos. O conto escollido foi O rei de Litonia, de Antonio Yáñez Casal, pertencente ao libro Contos sen fronteiras, de varios autores.

Ao final tomamos uns "chupas" e sorteamos o libro entre as asistentes: tocoulle a Erea!