16/06/14

GUÍA DE LECTURAS PARA O VERÁN

Un ano mais presentamos a guía de lecturas para o verán. Unha selección con obras de sempre, de todos os xéneros e temáticas.

Lembra que podes levar ata 5 libros para ler nas vacacións...busca na biblioteca compañeiros de viaxe.
Felices vacacións e boas lecturas

21/05/14

Película "Os camiños esquencidos"

Continuando co seu labor de difusión e homenaxe a Xosé María Díaz Castro, o IES de Guitiriz regálanos esta película de impecable realización. Os seus promotores dinnos dela:
"Os recordos que constrúen a nosa identidade as veces non nos pertencen, son froito das persoas que coñecemos, das vivencias escoitadas, dos lugares, os sabores ou incluso as lecturas que nos impactan. Como a poesía, que cando se nos agarra dentro pode tomar vida propia, allea ó seu autor e destino inicial. Esta é a idea que desenvolveu o obradoiro de literatura e audiovisual do IES Poeta Díaz Castro para facer a curtametraxe Os camiños esquencidos, unha ficción dirixida por Cristina de la Torre sobre Xosé María Díaz Castro, a quen este ano se lle dedica o Día das Letras Galegas".

"A película, foi desenvolta durante todo o curso cun grupo de trinta rapaces e rapazas da ESO e dentro dos contrato programa da Consellería de Cultura e Educación, foi gravada no mes de abril incluindo, ademais da ficción, recreacións históricas e representacións de danza, coa intención de explorar novas perspectivas no achegamento ó poeta dos Vilares por parte dos xóvenes estudantes de Guitiriz".
Grazas polo traballo e parabéns

15/05/14

LETRAS GALEGAS 2014: XOSÉ MARÍA DÍAZ CASTRO

Poeta ao que lle renden tributo as Letras Galegas 2014, no ano no que se conmemora o centenario do seu nacemento.


Presentamos a continuación unha serie de recursos e enlaces para que coñezades a figura do poeta de Guitiriz:


Páxina da Real Academia Galega Inicio

 Telexornal Díaz Castro: o telexornal que cada curso o CPI Dos Dices de Rois adica ao autor homenaxeado o Días das Letras Galegas retransmitiuse nesta ocasión en directo dende a Biblioteca de Galicia na Cidade da Cultura. Ademais de entrevistas, tamén poderedes escoitar sete dos seus poemas recitados por outros recoñecidos autores.

A lus do mundo. Redescubrindo o poeta Díaz Castro: páxina do IES Poeta Díaz Castro de Guitiriz na que xenerosamente comparten o traballo que levan feito arredor da figura de Díaz Castro dende xa hai tempo. Música, karaoke, documental...

Penélope: pequena curta que recrea o poema “Penélope” de Xosé María Díaz Castro mediante a mestura das voces do alumnado cunha moderna animación manga. Realizada polo IES As Barxas de Moaña.  

 
Xosé María Díaz Castro: dende hai máis dunha década, os integrantes do Seminario Galán da Coruña centran boa parte do seu traballo na elaboración de materiais relacionados co Día das Letras Galegas e o escritor homenaxeado cada ano, nesta ocasión, Xosé María Díaz Castro.
  • Xosé María Díaz Castro, versos guitiricenses
  • Banda deseñada, unha forma sinxela e lúdica de achegarse á vida e obra deste autor. Pódese descargar en formato pdf.


  • Na biblioteca podes ler as seguintes obras:
    - Nimbosviu a luz en 1961 e, desde aquela, figura entre os poemarios considerados xa clásicos da literatura galega do século XX.

    - Xosé María Díaz Castro. Vida e obra. Armando Requeijo.
    Para un achegamento á figura doautor. Xosé María Díaz Castro convertiuse nunha das figuras referenciais da poesía galega do século XX. A súa obra e moi extensa, pois gran parte da mesma permanece espallada por revistas e xornais e moita dela ficou inédita. Do estudo e edición desta obra encargouse o crítico literario e profesor Armando Requeixo, quen neste libro achega toda esa produción aos lectores.



    E para escoitar un pouco de música da man de Paco Nogueiras

    Fuxan os Ventos ten musicado o poema de X. M. Díaz Castro "Penélope", con voz do propio poeta. Imprescindible
     

    FELIZ E POÉTICO DÍA DAS LETRAS GALEGAS

    06/05/14

    FOTOLIBRO 2014, III EDICIÓN

    Presentamos as fotos participantes no concurso e os premios outorgados nesta edición do concurso.


    Grazas pola participación e parabéns as premiadas.

    27/04/14

    VIÑETAS SOBRE O LIBRO

    Presentamos as viñetas que forman parte da exposición sobre o libro organizada para conmemorar o Día do Libro.



    FOTOLIBRO:Lembrade votar polas fotos que mais vos gusten. Para facelo cubride a papeleta que está na mesa diante das fotos e introducídea na furna da biblioteca, despois de identificarvos.
    Remata o prazo o martes 29 as 12:30 
    Grazas

    25/04/14

    GABRIEL GARCÍA MÁRQUEZ

    Dende a Biblioteca Rosalía Castro, IES Pazo da Mercé (As Neves), chéganos esta presentación como homenaxe a GABO, finado o pasado 17 de abril. Grazas.
    Para lembrar a súa vida  e coñecer as súas obras podes dar un paseo virtual sobre esta imaxe de bolboretas amarelas que tanto significado tiñan para Gabo. E  non esquezas o relato "Viendo llover Galicia"

    22/04/14

    23 de ABRIL: DÍA MUNDIAL DO LIBRO E DOS DEREITOS DO AUTOR

    “ Ler para soñar, soñar para vivir”. María Canosa
                          DÍA MUNDIAL DO LIBRO                     
    ACTIVIDADES
    • Día 23 na hora de ler (2ª hora) lectura de textos do Quijote.
    • Día 23 no 2º recreo: Inauguración da Exposición: “DESCUBRE OS TESOUROS DA BIBLIOTECA”. Libros diferentes, espectaculares, formatos especiais,... Entrega de marca-páxinas conmemorativo aos asistentes.
    • Día 23, no recibidor do instituto:  “Dálles outra oportunidade”, libros de expurgo para levar, ler e compartir.
          • Día 24, no 2º recreo: Homenaxe a Gabriel García Márquez polo seu pasamento. Expoñemos as súas obras e  leremos textos das súas obras.
          • Exposición: “ O LIBRO EN VIÑETAS”
    Lembrade que segue aberto o prazo para presentar as vosas obras ao concurso “FOTOLIBRO”

    “El escritor escribe su libro para explicarse a sí mismo lo que no se puede explicar”. GABRIEL GARCÍA MÁRQUEZ
    Participa e goza dos libros e a lectura

    08/04/14

    CONCURSO FOTOLIBRO: III EDICIÓN

    Por terceiro ano convocamos o Concurso "Fotolibro", malia coincidir as vacacións de Semana Santa durante o proceso e prazos para presentar os vosos traballos, o correo da biblioteca estará aberto para recibir as vosas obras.

    BASES DO CONCURSO FOTOLIBRO
    III EDICIÓN




    Primeira. Os participantes presentarán fotografías orixinais e inéditas  e non premiadas noutros certames  coa temática do libro e a lectura. 
    Segunda. As fotos deberán levar un título e o nome d@ autor@. Cada un participará cun máximo de tres fotos en formato jpg..

    Terceira. Poderá participar calquera membro da comunidade educativa do IES O Mosteirón (alumnado, profesorado, persoal do centro. pais e nais) O prazo de presentación ábrese o día 8 de abril e rematará o 26 de abril de 2014.

    Cuarta. As fotografías, co seu título e nome do autor/a, enviaranse por correo electrónico ao seguinte enderezo: aesperela@gmail.com ou entregaranse na biblioteca nun sobre co nome do autor e o título da fotografía por fora.

    Quinta. Os traballos serán expostos, segundo se vaian presentando, en lugares visibles e accesibles do centro.
     

    Sexta. As obras serán avaliadas polos membros da comunidade educativa do IES O Mosteirón establecéndose o seguinte procedemento de votación popular:
    • Do 10 de abril ao 29 de abril todos os membros da comunidade educativa poderán emitir o seu voto empregando as papeletas preparadas a tal efecto na exposición de fotos (recibidor do Instituto)
    • Pódense escoller tres fotos, unha por cada categoría.
    • A papeleta entregarase na biblioteca durante os recreos. Emitirase un voto por persoa, previa identificación no momento de entregar a papeleta.
    • Correspóndelle A Esperela a proclamación das fotos gañadoras: unha para o primeiro ciclo, outra para o segundo ciclo e outra para adultos.
    Sétima. O anuncio das fotos gañadoras do concurso farase o día  30 de abril. Terá lugar na BIBLIOTECA A ESPERELA, no segundo recreo.

    Oitava. Os gañadores recibirán un premio sorpresa por valor de 100 € a repartir entre as tres categorías a criterio da organización. 
     
    Novena. A biblioteca resérvase o dereito a usar as fotos participantes no concurso.

    Décima. A participación no certame implica a aceptación destas bases.    

    Animádevos a participar. As vacacións son un momento ideal para “xogar” coas fotos e ler. Seguro que nesta convocatoria preséntanse mais fotografías que na do ano pasado.

    05/04/14

    SEMANA DA PRENSA

    O alumnado de 1º ESO estivo traballando coa prensa durante a semana do 17 ao 21 de marzo. Organizados en equipos tiñan que "editar" un xornal: cabeceira, seccións, noticias,..
    Podedes velos traballando




    A continuación os exemplares realizados 

     

    Os exemplares orixinais á vosa disposición na biblioteca. Non deixedes de lelos.

    21/03/14

    RECITAL DE POESÍA


    Como estaba previsto, no día de hoxe gozamos dun recital  para conmemorar o día mundial da poesía.
    Interveñen algunhas das colaboradoras da biblioteca, sempre dispostas a participar e compartir.
    Moitas grazas 


    Dakota escolleu a Rosalía
    Paula emocionounos con Neruda
    Judhit con Neruda
    Ana agasallounos cun poema propio

    Ramón recitou a León Felipe
    Sofía con Machado







    20/03/14

    DÍA MUNDIAL DA POESÍA

    O venres 21 de marzo no segundo recreo RECITAL DE POESÍA NA BIBLIOTECA.
    A poesía está en todas partes, so temos que abrir os ollos e o corazón para sentir a forza da palabra.

    PARTICIPA

    14/03/14

    SEMANA DA POESÍA

    Durante a semana do 17 ao 21 de marzo na hora de ler lemos poesía nas aulas.
    O profesorado dispón dunha escolma de poemas para escoller, o alumnado tamén pode achegar os textos que desexe compartir.

    Tamén podes navegar, ler e escoitar poemas e a poetas


    Antología Poética Multimedia

    http://antologiapoeticamultimedia.blogspot.com.es/

    E todo isto por que o día 21 é o Día Mundial da poesía proclamado pola UNESCO

    Gozamos da palabra, compartimos sentimentos





    03/03/14

    VI CERTAME AMOR?, AMOR! EN CEN PALABRAS

    Reunido o xurado do Certame Amor?, Amor! en cen palabras, decide outorgar o primeiro premio na categoría 2º Ciclo da ESO o traballo presentado baixo o titulo: "O amor, unha palabra, miles de definicións". Asemade decide deixar deserto o premio na categoría do 1º Ciclo da ESO.
    Parabéns a gañadora: Paula Pacheco Romay, 3º ESO.

    O amor, unha palabra, miles de definicións
    O amor, que é iso?
    Que é en realidade?
    Parece raro que nunha soa palabra caiban tantas cousas...
    E é que, nin aínda que o intentemos, poderémolo definir de forma obxectiva, pois, quizais, para unha persoa sexa unha necesidade, para outra, unha farsa, para outras unha forma de vida...
    Miles de formas de pensar, miles de definicións, todas correctas...
    E digo eu, que seria de nós, se non houbese amor na terra?
    Os seres humanos nacemos predispostos para amar, todos e cada un de nós...
    Amamos dende que nacemos, ata que nos morremos, pasámonos amando, aínda que sexa sen darnos conta, toda a nosa vida.

    25/02/14

    QUÍMICA DIVERTIDA IV

    Tiocianato de mercurio

    A última animación incrible nesta lista de entradas de ciencia trata sobre a descomposición térmica do tiocianato de mercurio. Este composto químico utilízase habitualmente en laboratorios de análises ou de química fina.


    E aínda que poderiamos pensar que se trata dun ser alienígena revolvéndose, o certo é que a resposta a este estraño fenómeno atópase en que cando arde crea unhas "estruturas parecidas a unha serpe". A reacción química que se produce é alucinante, aínda que hai que recordar a alta toxicidade que ten este composto ao manipulalo en calquera laboratorio.

    Como vemos, a ciencia non só favorece o noso día a día, con complexos experimentos e proxectos de investigación, moitas veces difíciles de comprender. Tamén é unha forma de entender e saber máis a cerca do mundo que nos rodea, con incribles e asombrosos trucos, que moitas veces non acertamos a entender do todo.

    19/02/14

    "Amor de plastilina"




    Queda pouco tempo para presentar o vosos microrelatos sobre o Amor. Mirade este traballo por si vos da algunha idea.



     Corto de San Valentín feito por alumnos do obradoiro de Plástica do IES AS BARXAS  de MOAÑA.

    Moitas grazas

    18/02/14

    QÍIMICA DIVERTIDA III

    A culler que se derrite
    Outro dos GIFs de ciencia máis asombrosos é o seguinte, no que vemos unha culler metálica que, literalmente, se derrite nun vaso de auga. Incrible, verdade? Por que ocorre?
     
     Para entender o proceso, primeiro debemos analizar o material do que está feito a culler: galio. O galio é un elemento químico cuxo punto de fusión é de só 28,56ºC. Deste xeito, aínda que a culler en principio parece de aceiro, non o é, e esta peculiaridade fai que se "derrita" nun vaso de auga templada.

    14/02/14

    QUÍMICA DIVERTIDA II

    A estraña polimerización
    No segundo exemplo da nosa recopilación de ciencia, vemos a polimerización da p-nitroanilina. Este composto, tamén coñecido como 4-nitroanilina ou ata 1-amino-4-nitrobenceno, é un composto orgánico que responde á fórmula de C6H6N2Ou2.
    Comúnmente é utilizado como intermediario na produción de colorantes, insecticidas ou fármacos, tratándose dun po de cor amarela brillante, con certo cheiro a amoníaco. Como nos recordan neste informe, é unha sustancia química perigosa, que se debe manipular con coidado.

    Na animación, o que se observa é a polimerización deste composto químico, que se trata en certo xeito dunha reacción química bastante explosiva. Ocorre debido a que engadimos á cunca de cerámica con p-nitroanilina acedo sulfúrico concentrado.        

    MAIS INFORMACIÓN

    10/02/14

    QÍIMICA DIVERTIDA I


    A reacción da «espuma»
    Unha das cousas máis divertidas que se poden facer nun laboratorio de ciencias é experimentar diferentes tipos de reaccións químicas, sempre coa suficiente supervisión e seguridade, para ver que ocorre. E vendo como funcionan, é máis sinxelo que podamos entender algunhas das partes máis complicadas da química.
    Por exemplo, tratábase de mesturar peróxido de hidrógeno con yoduro potásico. Que fai que salga tanta espuma tras realizar a reacción? A explicación coméntannola en detalle nesta revista, na que nos explican que o peróxido de hidrógeno, máis coñecido como auga oxigenada, pode descompoñerse en auga (H20) e osíxeno molecular (Ou2).

    O yoduro potásico acelera a descomposición do auga oxigenada, de forma que ocorre unha reacción exotérmica (é dicir, que libera calor), polo que parte do auga que se desprende atópase en forma de vapor.


    Ademais, a coloración marrón que observamos débese, como se explica no artigo mencionado antes, a que "algúns aniones yoduro se oxidan a yodo molecular, que reacciona con aniones yoduro presentes para formar o anión triyoduro". Unha boa forma de entender algunhas reaccións químicas, sen dúbida.
    MAIS INFORMACIÓN

    06/02/14

    VI CERTAME AMOR? AMOR! EN 100 PALABRAS

    BASES DO VI CERTAME AMOR? AMOR!... EN 100 PALABRAS

    Primeira. Os participantes presentarán creacións literarias orixinais e inéditas  e non premiadas noutros certames  no xénero literario que desexen, ben en prosa, en verso ou en ambas as modalidades. A temática será o amor, en calquera das súas manifestacións: amor, desamor…
     
    Segunda. As obras deberán ter unha extensión máxima de 100 palabras e levarán título. Estarán redactadas en lingua galega e poden estar escritas á man ou a ordenador.

    Terceira. Poderá participar calquera membro da comunidade educativa do IES O Mosteirón (Sada). O prazo de presentación abrirase o día 7 de febreiro de 2014 no primeiro recreo e remata o 21 de febreiro no segundo recreo.

    Cuarta. Os microrrelatos entregaranse na biblioteca durante os recreos; recolleraos o persoal docente con garda de biblioteca.
    Os participantes deben presentar as obras dentro dun sobre, co título e cun pseudónimo ou nome falso por fóra. Dentro deste sobre, incluirase outro sobre máis pequeno –tamén co título do microrrelato e o pseudónimo por fóra  no que se indique o nome completo e a clase do autor ou autora do texto dentro.

    Quinta. Os traballos serán expostos, segundo se vaian presentando, en lugares visibles e accesibles do centro. 
    Sexta. As obras serán avaliadas por unha comisión designada polo Equipo de Dinamización da Lingua Galega e mais polo equipo da Biblioteca A Esperela do IES O Mosteirón. Esta proclamará dous textos gañadores. Un para o primeiro ciclo e outro para o 2º ciclo da ESO.

    Sétima. O anuncio das obras gañadoras do certame farase o día 26 de febreiro. Terá lugar na Biblioteca A Esperela no segundo recreo. 
     
    Oitava. Os gañadores recibirán un premio sorpresa.  
     
    Novena. A participación no certame implica a aceptación destas bases. 
    EDLG / Biblioteca A Esperela

    IES O MOSTEIRÓN
    Sada, 6 de febreiro de 2014
      Animádevos a participar

    29/01/14

    DÍA ESCOLAR POLA PAZ E A NON VIOLENCIA

    Un ano mais chega o 30 de xaneiro para pensar na necesidade da paz entre os pobos e as persoas.
    Presentamos unha selección de viñetas que teñen como tema común a pomba da paz, todo un símbolo.

    Tamén vos propoñemos escoitar esta canción, un himno de paz composto por Paco Damas


    Non vos esquezades de ver a exposición de viñetas no recibidor do instituto.
    GRAZAS POR PACIFICAR

    09/01/14

    HORA DE LER. 2º TRIMESTRE

     Ano novo, lecturas novas
    Continuamos coa lectura diaria:


    HORA DE LER
    HORARIO
    SEMANA HORA
    13 -17 XANEIRO
    20- 24 XANEIRO
    27- 31 XANEIRO
    3- 7 FEBREIRO
    10- 14 FEBREIRO
    17- 21 FEBREIRO
    24- 28 FEBREIRO
    6 – 7 MARZO (ENTROIDO)
    10- 14 MARZO 3ª (AVALIACIÓNS)?
    17- 21 MARZO (Remata 2ª Avaliación)
    24- 28 MARZO
    31 MARZO- 4 ABRIL
     7- 11 ABRIL