19/05/11

SALVANDO LIBROS: RECOPILACIÓN


SALVANDO LIBROS

Que libro salvarías ti?

Esta exposición xorde dun traballo colaborativo entre 96 bibliotecas escolares galegas e pretende ser unha chamada de atención sobre a importancia de apreciar, coidar e manter o noso patrimonio cultural escrito.

Pretendemos difundir a idea de que é imposible destruír os libros e os valores que neles se transmiten se somos quen de conseguir que formen parte de nós para sempre.

Maio 2011

Queremos dar  moi especialmente as grazas a Jaime Eizaguirre Santillán, ex-alumno do IES Sánchez Cantón, que unha vez máis deseñou estes carteis tan fermosos para facer posible a actividade.

Podedes ver o perfil de Jaime, arquitecto e debuxante, aquí

e algunhas das interesantes cousas que fai aqui

e tamén aquí….

Grazas de novo, Jaime, pola túa xenerosidade



salvandogrande


1 5
3 2
.

4
.

Moitísimos libros están a ser salvados nas nosas bibliotecas, que organizan as súas propias exposicións e actos.


Esta é só unha pequena escolma dos que representan a cada un dos centros que participaron na actividade.


Salvar un libro consiste en aprender de memoria un pequeno fragmento para simbolizar a asimilación de todo o seu contido. Entón xa seremos unha persoa-libro e poderemos preservalo para sempre. 


A idea está baseada na obra de Ray Bradbury “Fahrenheit 451”.

Esta é a escolma de libros que representan aos centros de Educación Infantil
.



Esta é a escolma de libros que representan aos centros de Educación Primaria






Esta é a escolma de libros que representan aos centros de Ensino Secundario e algúns persoeiros relacionados co mundo das letras e a cultura






  ESTA ACTIVIDADE FOI COORDINADA DESDE AS BIBLIOTECAS ESCOLARES:



ESCOLA UNITARIA DE VIDE

Dende a Esperela queremos dar as GRAZAS a todas as persoas que participaron nesta actividade, sabre todo as que fixeronna posible co seu esforzo.
No recibidor do Instituto podedes ver os libros salvados polos centros de secundaria.

16/05/11

CERTAME LITERARIO LUISA VILLALTA

Tamara leendo o seu poema na Casa da Cultura de Sada
O venres 13 de maio entregaronse os premios do certame Luisa Villalta,
Organizado polo IES Isaac Díaz Pardo de Sada Queremos transmitir os nosos parabéns a Tamara, alumna de 1ºde Bacharelato, por ter acadado o 1º Premio de poesía.



Tamara Paredes Gestal


Verbas meniñas

Ondeaban as escuras tebras
encabuxándose nos aloumiños do querer.
Ausencia lonxeva arredada,
encrucillados sarillos do remanecer.

Azarosos fareiros arrincando soidades,
protexendo débedas, amoreando elexías.
Desleixamentos procurando corredores envelenados;
tremendo nos mollados sorbos do percorrido.

Refluxos nas vangardas dos derramados.
Escarolas, condimentos de linguas.
Encirrantes amarguras arrecendadas;
hidras conturbadas dos propicios.

Esmorecen chuvieros de dor,
resisten océanos de detencións.
Achegan herdanzas e agora, sen ti,
anegan eternidades de humildade.

 Seráns ceibando sorrisos
 apreixaron calofríos paseniños.
 Coirazas impresas de sanguentos trallazos
 construíron cristais devecidos.

 Gramos de xofre esvaran na pel
 infiltrando o hedonismo prohibido.
 Acostumadas esvásticas funden o violín
 desgarrando o telón das cordas que acariñan.

O tacto cavernario sostenme no fume poeirento.
O compendio dos segundos queima a indiferencia.
Incansables igrexas abastardan as pertenzas
da liberdade nos muros, dos perversos.

Profanei os signos, gozei territorios,
amei as bágoas da conciencia.
Fracasei co abeiro do corazón,
o integrismo quedou ¡en ningures!




Grazas Tamara pola túa sensibilidade