ANO INTERNACIONAL DA QUÍMICA 2011

RECOMENDACIÓNS SEMANAIS

Presume de ler e déixate ver

Brais Lestón Luces, 1º Bacharelato

El guardián de los dragones, Carole Wilkinson

O libro que recomendo é El guardián de los dragones, da autora Carole Wilkinson. Este libro foi galardonado co premio Urealis.

Fago esta recomendación porque me parece un libro estupendo, pois fala de como unha nena e un dragón recorren toda China, sorteándo toda clase de obstáculos, mesmo escapando dun cazador que quere a misteriosa pedra que transportan; neste libro fálasenos de temas como o medo ou a timidez pero tamén nos ensina como poder desfacernos de todos eses sentimentos negativos que unicamente bloquean as nosas ideas.

En definitiva, recoméndoa porque é unha obra que mestura perfectamente o mundo da imaxinación con situacións reais.

VIOLENCIA CONTRA A MULLER

      

Mañá venres é o Día Internacional da Eliminación da Violencia contra a muller. Recollemos o traballo do CEIP Víctor Sáenz, unha páxina chea de recursos e materiais para profesorado e alumnado contra a violencia de xénero. Preme aquí para acceder.

CRISPÍN D´OLOT EN MOSTEIRÓN !

Para conmemorar o nacemento de Afonso X no día de hoxe de 1221 e grazas aos Departamentos de Música e Lingua Castelá (coa colaboración da ANPA), hoxe tivemos no noso instituto o famoso Crispín D´Olot, un trobador e xograr que interpreta, declama e canta, acompañado de instrumentos musicais tradicionais, dando vida a unha coidada escolma de poesías e textos cultos e populares de forma nova, pracenteira e didáctica.
Crispín D´Olot trouxo o seu orixinal espectáculo Versos y Bardos: un viaje a través de la literatura en lengua castellana, no que fai de lazarillo para guiar o espectador dende as orixes das literaturas románicas.

Este xograr do século XXI fíxose popular pola súa participación en feiras, concellos, institutos e programas de televisión, o máis recente Tú sí que vales.

Tivemos dúas representacións, unha para 1º ciclo e outra para 4º de ESO e 2º de Bacharelato.

                      
                           

                           

MOTIVOS PARA LER

O Ministerio de Educación organiza o III Congreso LEER.ES. Durante os días 25, 26 e 27 de novembro desenvolverase en Madrid un encontro entre profesionais da educación, das bibliotecas e representantes das Administracións Educativas, para debater sobre o tema: Motivos para ler, compromiso coa lectura.

A Esperela estará presente no congreso. Seguiremos informando.

GISBERT NA ESPERELA

Os alumnos de 2º de ESO disfrutaron hoxe na Esperela da visita do escritor Joan Manuel Gisbert, autor das lecturas que fixeron este trimestre: Escenarios fantásticos e Cinco cuentos sobre Velázquez. 

Falou de maxia, da súa paixón pola literatura, da fantasía... e tamén contestou a moitas preguntas e escoitou con atención relatos escritos polos nosos alumnos... Unha visita moi completa e divertida. GRAZAS!

Mirade as fotos que fixemos!