Na sesión de hoxe dos Atrapasoños, o libro escollido foi Contos de estrelas, un libro de relatos de distintas culturas.
22/03/19
21/03/19
DÍA DA POESÍA NA ESPERELA
O venres conmemoramos na Esperela o Día da Poesía coa poeta Yolanda Castaño. O alumnado de 3º e 4º de ESO gozou da actividade "A poesía non morde", unha charla distendida arredor do xénero poético, as súas claves, códigos e intencións. Rachando tópicos e prexuízos sobre a poesía.
MOITAS GRAZAS, YOLANDA!!
08/03/19
07/03/19
01/03/19
28/02/19
DÍA DA MULLER TRABALLADORA
O equipo da Esperela anda preparando unha actividade para o Día da Muller coa que coñeceremos un pouquiño da biografía de 50 mulleres valerosas. Estade atent@s!
26/02/19
TEMPO DE ENTROIDO
Nas versións máis ancestrais das suas orixes, o Entroido formaría parte dos ritos vinculados ao inverno, concretamente á fin do frío máis rigoroso e á chegada da época propia para sementar e, segundo isto, a finalidade das máscaras sería a de espantar os malos espíritos das colleitas.
E é que o máis típico do Entroido, deixando á parte as comidas, é andar de carauta posta, chocallando e trangallando, é dicir, correndo o Entroido, procurando que non che caian uns lategazos ou unha presa de formigas. No Entroido permítese todo.
Coñecedes estes sete personaxes? Aparicio, Charrúa, Peliqueiro, Pantalla, Choqueiro, Entroido e Meco.
23/02/19
80 ANIVERSARIO DA MORTE DE ANTONIO MACHADO
No oitenta aniversario do pasamento do poeta Antonio Machado, recuperamos unha actividade que fixemos hai tres anos en 4º de ESO:
O 22 de febreiro de 1939, Antonio Machado morría en Colliure (Francia), triste, canso e enfermo. Fuxía dunha guerra que remataba e que significaba a desaparición da República.
Cada ano, deposítanse nun buzón próximo á súa tumba as miles de cartas que en todos os idiomas chegan ao cemiterio de Collioure dirixidas a Don Antonio Machado. As flores acompáñano permanentemente, tamén as pedras. Simbolicamente, nós ofrecemos as pedras do noso camiño, lembrando así que, a pesar do horror, a poesía permanece e nos fai mellores.
22/02/19
DÍA DE ROSALÍA: LIBRE O MEU PENSAMENTO!
DO XIX AO XXI LIBRE O MEU PENSAMENTO!
Este foi o lema para conmemorar o Día de Rosalía. O alumnado de 3º ESO xuntouse na Esperela para lembrar a nosa poeta: lemos textos explicativos, recitamos poemas, escoitamos versións musicais e cantamos e desfrutamos da poesía. Grazas á colaboración ao piano de Juan e as pandeiretas de Andrea e Laura, os versos de Rosalía resoaron na Esperela.
Ao rematar todos levamos un agasallo: un libro e unha flor!
ATRAPASOÑOS PARA ROSALÍA DE CASTRO
Hoxe, como non, a nosa sesión de Atrapasoños foi adicada a Rosalía de Castro. Falamos da súa vida e obra e lemos algúns dos seus poemas.
Foi ben bonito, Atrapasoños! Grazas pola vosa participación!
Tedes máis información no Blog dos Atrapasoños.
Tedes máis información no Blog dos Atrapasoños.
19/02/19
PREMIO DO CONCURSO DE MICRORRELATOS
Samoa Pan, de 2º ESO B levou hoxe o premio do concurso de micorrelatos "Amor? Amor! en 100 palabras", que organiza A Esperela, cun relato titulado "Aviones de papel"
18/02/19
ORIENTACIÓN PROFESIONAL
Hoxe viñeron á Esperela Serafín e Sabela, dous talentosos ex alumnos do noso insti que falaron co alumnado de 4º ESO da súa traxectoria persoal e profesional e compartiron as súas lembranzas e arelas.
GRAZAS, RAPACES, É UNHA MARABILLA CONTAR CON VÓS!!
15/02/19
OUTRA DE ATRAPASOÑOS
Na sesión de hoxe de Atrapasoños lemos o relato "Cordelias", de Adela Fernández, un conto cheo de imaxinación e misterio.
12/02/19
ANDREA MACEIRAS NA ESPERELA
Grazas ao Departamento de Lingua Galega, hoxe tivemos na Esperela á escritora Andrea Maceiras, que veu presentar o seu libro, O que sei do silencio, e falou co alumnado de 3º do seu tema: o acoso escolar.
Grazas, Andrea!!
11/02/19
DÍA INTERNACIONAL DA MULLER E A NENA NA CIENCIA
Aproveitamos o Día Internacional da Muller e a Nena na Ciencia para difundir a publicación por parte de Xerais do segundo volume de Pioneiras 2, Galegas que abriron camiño de Anaír Rodríguez e con ilustracións de Abi Castillo.
10/02/19
CLARA CAMPOAMOR
O 12 de febreiro de 1888 nacía Clara Campoamor. O 1 de outubro de 1931, as mulleres acadaban o dereito ao voto en España por 161 votos fronte a 131. A deputada Campoamor defendeuno así fronte a Victoria Kent.
Subscribirse a:
Publicacións (Atom)