OBRADOIRO DE XORNALISMO NA ESPERELA

O alumnado de 4º contou este venres cun profesor de excepción, o xornalista Pablo Díaz, que entre outras moitas cousas, contou como os medios ofrecen a información sobre violencia machista.

GRAZAS, PABLO!!

CUARTA SESIÓN DE ATRAPASOÑOS

Hoxe, as Atrapasoños pequenas falaron da violencia machista e leron uns versos de Carlos Negro pertencentes aos seus poemarios Penúltimas tendencias e Masculino singular.

Tedes máis información no blog de Atrapasoños.

DÍA DOS MÚSICOS

NON Á VIOLENCIA CONTRA AS MULLERES

DÍA MUNDIAL DA INFANCIA

XURXO SOUTO NA ESPERELA

Grazas ao Departamento de Lingua galega, Xurxo Souto visitou hoxe A Esperela e falou co alumnado de 3º da ESO de música, de historia e de cultura galega.

Deixou ben claro que somos un pobo de artistas!!

XORNALISMO NA ESPERELA

TERCEIRA SESIÓN DE ATRAPASOÑOS

Na sesión de hoxe dos Atrapasoños, limos o relato de Philip K. Dick, Algunhas peculiaridades dos ollos, que presenta a posibilidade da existencia dos extraterrestres... Nós tivemos na mesa uns ollos moi inquietantes!
Tedes máis información no blog de Atrapasoños.

FELIZ DÍA DAS LIBRARÍAS

IDA VITALE, PREMIO CERVANTES 2018

A poeta Ida Vitale (Montevideo, 1923) acaba de ser galardoada co Premio Cervantes 2018, considerado o Nobel da literatura en castelán. Vitale, cunha obra caracterizada polos poemas curtos, busca o sentido das palabras e é representante da poesía esencialista.

.

Invierno

Como las gotas en el vidrio,
como las gotas de la lluvia
en una tarde somnolienta,
exactamente iguales,
superficiales,
ávidas todas,
breves,
se hieren y se funden,
tan, tan breves
que no podrían dar cabida al miedo,
que el espanto no debiera hacer huella
en nosotros.

Después, ya muertos, rodaremos,
redondos y olvidados.

MES DA CIENCIA EN GALEGO

Este ano, o manifesto asínao Luis Navarro, profesor de Bioloxía na Universidade de Vigo. Aquí tedes tamén materiais para actividades.

MORRE STAN LEE

Stan Lee foi un editor e escritor de cómics estadounidense, coñecido principalmente por ser o creador do universo Marvel, con personaxes tan icónicos como Spiderman, Hulk, Iron Man, Os 4  Fantásticos, Thor, X-Men...

ORIENTACIÓN PROFESIONAL

Hoxe tivemos a primeira sesión dos Encontros de Orientación Profesional da man de T. P. e Pablo Díaz, exalumnos do noso IES que compartiron con nós as súas experiencias.

Moitas grazas!! Sempre é un pracer contar con vós!

XURXO SOUTO NA ESPERELA

O vindeiro luns 19, e grazas ao Departamento de Lingua Galega, teremos na Esperela a Xurxo Souto! 

Somos un pobo de artistas!

SEGUNDA SESIÓN DE ATRAPASOÑOS

No Atrapasoños de hoxe, a lectura escollida foi Romper o porquiño, de Edgar Keret. Un texto para reflexionar sobre a diferenza entre valor e prezo.

Tedes máis información no blog de Atrapasoños.

O PUÑO E A LETRA

Corenta poemas de Yolanda Castaño interpretados en viñetas por corenta dos nomes máis salientables da ilustración galega: David Rubín, Xulia Vicente, Manel Cráneo, Miguelanxo Prado, Cynthia Alonso, Xan López Domínguez, María Ferreiro, Kiko da Silva... 

PREPARANDO O 25 DE NOVEMBRO

NAS TICS MANDAS TI

Hoxe  desenvolveuse o obradoiro NAS TICS MANDAS TI, a cargo de persoal especializado e dirixido ao alumnado de 4º da ESO. O obradoiro aborda os tipos de violencia a través do uso das novas tecnoloxías e as habilidades do tratamento das mesmas: ciberbullyng, ciberviolencia de xénero, xesting...

Unha iniciativa da Deputación da Coruña e o Concello de Sada.

SAMAÍN NA ESPERELA

Na Esperela xa tedes unha sección de relatos de medo propios do Samaín. Visitádea!

ACTIVIDADES PARA O SAMAÍN