Hoxe, aproveitando que é o Día da Lectura en Voz Alta, os Atrapasoños maiores lemos dous relatos curtos do escritor polaco Slawomir Mrozek pertencentes ao seu libro A vida difícil.
Máis información no blog dos Atrapasoños!
31/01/19
130 ANOS DE NATIONAL GEOGRAPHIC
Hai 130 anos publícase o primeiro exemplar da revista "National Geographic", unha publicación mensual que recolle artigos sobre diversos lugares do planeta e a súa historia. Ademais, a revista é recoñecida pola súa calidade de edición e fotografía e nela participan os mellores xornalistas do mundo.
Na Esperela tedes unha exposición con exemplares en lingua inglesa. Non a perdades!!
30/01/19
28/01/19
ORIENTACIÓN PROFESIONAL
Hoxe na Esperela tivemos unha nova Xornada de Orientación Profesional con Sabela Rodríguez e Quique Lagares. Estes ex alumnos falaron coa rapazada de 4º da súa traxectoria e experiencia persoal e profesional. Escoitalos resultou moi estimulante para tod@s. Parece que foi onte cando andaban revolvendo polo instituto e agora aquí están, dous profesionais. Menudo orgullo temos!!
GRAZAS, QUERIDIÑOS, POR VOLTAR Á VOSA CASA!
25/01/19
ATRAPASOÑOS NA ESPERELA
Na sesión de hoxe dos Atrapasoños lemos un relato titulado "A mancha de humidade", da escritora uruguaia de orixe galega Juana de Ibarbouru.
Con este conto reflexionamos sobre os apegos e os soños perdidos.
Tedes máis información no blog dos Atrapasoños!
23/01/19
SALVADOR DALÍ
Hoxe hai trinta anos do falecemento do artista catalán Salvador Dalí, un dos principais representantes do Surrealismo.
21/01/19
PURO TEATRO!!
Que ben o pasamos hoxe no Obradoiro de Teatro con Tone Martínez!! Resulta que somos uns artistas!!
20/01/19
HABLA LA PALABRA
Neste libro faremos preguntas e intentaremos respondelas, preguntas sobre as palabras e os lugares onde se gardan: a escritura, os libros, as bibliotecas e a súa relación coas persoas.
18/01/19
OUTRA DE ATRAPASOÑOS
Tedes máis información no Blog dos Atrapasoños!
17/01/19
OBRADOIRO DE TEATRO NA ESPERELA
Alba Bermúdez e Tone Martínez son dous licenciados en Arte Dramático, actores e profesores de teatro, que en 2013 crearon en Carballo a compañía teatral Galeteatro. Na actualidade está en cartel a súa obra "Muiñada".
Este luns 21 de xaneiro estarán na Esperela impartindo un Obradoiro de Teatro para 3º de ESO.
POPEYE O MARIÑO
Popeye O Mariño é un famoso personaxe de cómic e de curtametraxes creado por Elzie Crisler Segar. Apareceu por primeira vez no xornal o 17 de xaneiro de 1927.
16/01/19
RADIO NACIONAL
Hoxe A Esperela levou o noso alumnado de 4º de ESO a coñecer Radio Nacional. Pasámolo moi ben e tivemos tamén a oportunidade de "dar as noticias"...
15/01/19
MULLERES DE CIENCIA
As contribucións de cincuenta mulleres aos campos da ciencia, a tecnoloxía, a enxeñaría e as matemáticas, dende o mundo antigo ata os nosos días.
14/01/19
12/01/19
ATRAPASOÑOS NO 2019
Na primeira sesión de Atrapasoños de 2019 a nosa lectura foi o relato "Mans". A súa autora é a escritora arxentina Elsa Bornemann e forma parte do libro !Socorro!(Doce cuentos para caer de miedo). O certo é que medo pasamos...
Tedes máis información no blog de Atrapasoños!
09/01/19
01/01/19
Subscribirse a:
Publicacións (Atom)