MANUEL MARÍA

Os recantos do instituto comezan a cubrirse de vida e obras de Manuel María. Será cousa de Belén...

PREMIO NACIONAL DAS LETRAS ESPAÑOLAS

Carme Riera (escritora en catalán e castelán, profesora, guionista e membro da RAE) foi galardoada este martes co Premio Nacional das Letras Españolas convocado polo Ministerio de Cultura.

DÍA DAS BIBLIOTECAS 2015

O 24 de outubro celébrase o Día da Biblioteca, co obxectivo de concienciar á sociedade da importancia da lectura e como recoñecemento ao labor d@s bibliotecari@s.

EMILIO LLEDÓ

O filósofo español Emilio Lledó (Sevilla, 1927) recolleu hoxe o Premio Princesa de Asturias das Humanidades, terceiro premio dun ano no que tamén acadou o Premio Nacional das Letras Españolas e o Antonio Sancha dos Editores.

O filósofo, formado en Alemaña, foi profesor nas universidades de Heidelberg, La Laguna, Barcelona e Madrid e na actualidade é membro da Real Academia Española, onde ocupa o sillón ele minúscula.

AQUÍ podedes escoitar o discurso que pronunciou ao recoller o premio.

O FUTURO XA ESTÁ AQUÍ

O 21 de outubro de 2015 xa está aquí. Ese é o día no que Marty McFly (interpretado por Michael J. Fox) aterrou no futuro, que agora é o presente, en "Regreso ao futuro II" (1989). É unha das tres películas que filmou o director de cine Robert Zemeckis e todo un clásico para as xeracións que creceron nos anos 80 e 90.

DÍA INTERNACIONAL DAS NENAS

O Día Internacional da Nena celébrase o 11 de outubro co obxectivo de crear conciencia sobre a situación das nenas en todo o mundo.

SVETLANA ALEXIÉVICH

A escritora bielorrusa Svetlana Alexiévich é a gañadora do Premio Nobel de Literatura 2015. Escritora e xornalista, retratou en lingua rusa a realidade e o drama de grande parte da poboación da antiga URSS, así como os sufrimentos de Chernóbil, a guerra de Afganistán e os conflitos do presente. É moi crítica tamén co goberno do seu país.

DÍA MUNDIAL DO DOCENTE

Albert Camus gañou o Premio Nobel de Literatura en 1957 e pensou que, se tiña que dar grazas a alguén, era ao señor Germain, o seu mestre de Primaria. Escribiulle esta carta.

A Unesco proclamou o 5 de outubro 

Día Mundial dos Docentes.

LUIS ALBERTO DE CUENCA

O poeta Luis Alberto de Cuenca foi galardoado onte co Premio Nacional de Poesía pola obra Cuaderno de vacaciones, un premio concedido polo Ministerio de Educación, Cultura e Deporte.

PABLO NERUDA

O 23 de setembro de 1973 morría na súa casa de Santiago de Chile o escritor Pablo Neruda, considerado por moitos como o máis grande poeta do século XX.

ABRIMOS A BIBLIOTECA!

A biblioteca A Esperela abre as súas portas en todos os recreos! 

GUÍA DE LECTURAS PARA O VERÁN

Un ano mais presentamos a guía de lecturas para o verán. Unha selección con obras de sempre, de todos os xéneros e temáticas.

Guía de lecturas_veran 14 from aesperela

Lembra que podes levar ata 5 libros para ler nas vacacións...busca na biblioteca compañeiros de viaxe.

Felices vacacións e boas lecturas

Película "Os camiños esquencidos"

Continuando co seu labor de difusión e homenaxe a Xosé María Díaz Castro, o IES de Guitiriz regálanos esta película de impecable realización. Os seus promotores dinnos dela:

"Os recordos que constrúen a nosa identidade as veces non nos pertencen, son froito das persoas que coñecemos, das vivencias escoitadas, dos lugares, os sabores ou incluso as lecturas que nos impactan. Como a poesía, que cando se nos agarra dentro pode tomar vida propia, allea ó seu autor e destino inicial. Esta é a idea que desenvolveu o obradoiro de literatura e audiovisual do IES Poeta Díaz Castro para facer a curtametraxe Os camiños esquencidos, unha ficción dirixida por Cristina de la Torre sobre Xosé María Díaz Castro, a quen este ano se lle dedica o Día das Letras Galegas".

"A película, foi desenvolta durante todo o curso cun grupo de trinta rapaces e rapazas da ESO e dentro dos contrato programa da Consellería de Cultura e Educación, foi gravada no mes de abril incluindo, ademais da ficción, recreacións históricas e representacións de danza, coa intención de explorar novas perspectivas no achegamento ó poeta dos Vilares por parte dos xóvenes estudantes de Guitiriz".

Grazas polo traballo e parabéns

LETRAS GALEGAS 2014: XOSÉ MARÍA DÍAZ CASTRO

Poeta ao que lle renden tributo as Letras Galegas 2014, no ano no que se conmemora o centenario do seu nacemento.

Presentamos a continuación unha serie de recursos e enlaces para que coñezades a figura do poeta de Guitiriz:

Páxina monógrafica do autor 

Páxina da Real Academia Galega

 Telexornal Díaz Castro: o telexornal que cada curso o CPI Dos Dices de Rois adica ao autor homenaxeado o Días das Letras Galegas retransmitiuse nesta ocasión en directo dende a Biblioteca de Galicia na Cidade da Cultura. Ademais de entrevistas, tamén poderedes escoitar sete dos seus poemas recitados por outros recoñecidos autores.

A lus do mundo. Redescubrindo o poeta Díaz Castro: páxina do IES Poeta Díaz Castro de Guitiriz na que xenerosamente comparten o traballo que levan feito arredor da figura de Díaz Castro dende xa hai tempo. Música, karaoke, documental...

Penélope: pequena curta que recrea o poema “Penélope” de Xosé María Díaz Castro mediante a mestura das voces do alumnado cunha moderna animación manga. Realizada polo IES As Barxas de Moaña.  

 

Xosé María Díaz Castro: dende hai máis dunha década, os integrantes do Seminario Galán da Coruña centran boa parte do seu traballo na elaboración de materiais relacionados co Día das Letras Galegas e o escritor homenaxeado cada ano, nesta ocasión, Xosé María Díaz Castro.

 

Xosé María Díaz Castro, versos guitiricenses. 

Banda deseñada, unha forma sinxela e lúdica de achegarse á vida e obra deste autor. Pódese descargar en formato pdf.

Na biblioteca podes ler as seguintes obras:

- Nimbos: viu a luz en 1961 e, desde aquela, figura entre os poemarios considerados xa clásicos da literatura galega do século XX.

- Xosé María Díaz Castro. Vida e obra. Armando Requeijo.
Para un achegamento á figura doautor. Xosé María Díaz Castro convertiuse nunha das figuras referenciais da poesía galega do século XX. A súa obra e moi extensa, pois gran parte da mesma permanece espallada por revistas e xornais e moita dela ficou inédita. Do estudo e edición desta obra encargouse o crítico literario e profesor Armando Requeixo, quen neste libro achega toda esa produción aos lectores.



E para escoitar un pouco de música da man de Paco Nogueiras

Fuxan os Ventos ten musicado o poema de X. M. Díaz Castro "Penélope", con voz do propio poeta. Imprescindible

 

FELIZ E POÉTICO DÍA DAS LETRAS GALEGAS

FOTOLIBRO 2014, III EDICIÓN

Presentamos as fotos participantes no concurso e os premios outorgados nesta edición do concurso.

 

Fotolibro 2014 from aesperela

Grazas pola participación e parabéns as premiadas.

VIÑETAS SOBRE O LIBRO

Presentamos as viñetas que forman parte da exposición sobre o libro organizada para conmemorar o Día do Libro.

Viñetas sobre o Libro. Día do libro 2014 from aesperela

FOTOLIBRO:Lembrade votar polas fotos que mais vos gusten. Para facelo cubride a papeleta que está na mesa diante das fotos e introducídea na furna da biblioteca, despois de identificarvos.

Remata o prazo o martes 29 as 12:30 

Grazas

GABRIEL GARCÍA MÁRQUEZ

Dende a Biblioteca Rosalía Castro, IES Pazo da Mercé (As Neves), chéganos esta presentación como homenaxe a GABO, finado o pasado 17 de abril. Grazas.

Para lembrar a súa vida  e coñecer as súas obras podes dar un paseo virtual sobre esta imaxe de bolboretas amarelas que tanto significado tiñan para Gabo. E  non esquezas o relato "Viendo llover Galicia"

23 de ABRIL: DÍA MUNDIAL DO LIBRO E DOS DEREITOS DO AUTOR

“ Ler para soñar, soñar para vivir”. María Canosa

                      DÍA MUNDIAL DO LIBRO                     

ACTIVIDADES

• Día 23 na hora de ler (2ª hora) lectura de textos do Quijote.

• Día 23 no 2º recreo: Inauguración da Exposición: “DESCUBRE OS TESOUROS DA BIBLIOTECA”. Libros diferentes, espectaculares, formatos especiais,... Entrega de marca-páxinas conmemorativo aos asistentes.
• Día 23, no recibidor do instituto:  “Dálles outra oportunidade”, libros de expurgo para levar, ler e compartir.
• Día 24, no 2º recreo: Homenaxe a Gabriel García Márquez polo seu pasamento. Expoñemos as súas obras e  leremos textos das súas obras.
• Exposición: “ O LIBRO EN VIÑETAS”

Lembrade que segue aberto o prazo para presentar as vosas obras ao concurso “FOTOLIBRO”

“El escritor escribe su libro para explicarse a sí mismo lo que no se puede explicar”. GABRIEL GARCÍA MÁRQUEZ

Participa e goza dos libros e a lectura

CONCURSO FOTOLIBRO: III EDICIÓN

Por terceiro ano convocamos o Concurso "Fotolibro", malia coincidir as vacacións de Semana Santa durante o proceso e prazos para presentar os vosos traballos, o correo da biblioteca estará aberto para recibir as vosas obras.

BASES DO CONCURSO FOTOLIBRO

III EDICIÓN

Primeira. Os participantes presentarán fotografías orixinais e inéditas  e non premiadas noutros certames  coa temática do libro e a lectura. 

Segunda. As fotos deberán levar un título e o nome d@ autor@. Cada un participará cun máximo de tres fotos en formato jpg..

Terceira. Poderá participar calquera membro da comunidade educativa do IES O Mosteirón (alumnado, profesorado, persoal do centro. pais e nais) O prazo de presentación ábrese o día 8 de abril e rematará o 26 de abril de 2014.

Cuarta. As fotografías, co seu título e nome do autor/a, enviaranse por correo electrónico ao seguinte enderezo: aesperela@gmail.com ou entregaranse na biblioteca nun sobre co nome do autor e o título da fotografía por fora.

Quinta. Os traballos serán expostos, segundo se vaian presentando, en lugares visibles e accesibles do centro.

 

Sexta. As obras serán avaliadas polos membros da comunidade educativa do IES O Mosteirón establecéndose o seguinte procedemento de votación popular:

• Do 10 de abril ao 29 de abril todos os membros da comunidade educativa poderán emitir o seu voto empregando as papeletas preparadas a tal efecto na exposición de fotos (recibidor do Instituto)

• Pódense escoller tres fotos, unha por cada categoría.

• A papeleta entregarase na biblioteca durante os recreos. Emitirase un voto por persoa, previa identificación no momento de entregar a papeleta.

• Correspóndelle A Esperela a proclamación das fotos gañadoras: unha para o primeiro ciclo, outra para o segundo ciclo e outra para adultos.

Sétima. O anuncio das fotos gañadoras do concurso farase o día  30 de abril. Terá lugar na BIBLIOTECA A ESPERELA, no segundo recreo.

Oitava. Os gañadores recibirán un premio sorpresa por valor de 100 € a repartir entre as tres categorías a criterio da organización. 

 

Novena. A biblioteca resérvase o dereito a usar as fotos participantes no concurso.

Décima. A participación no certame implica a aceptación destas bases.    

Animádevos a participar. As vacacións son un momento ideal para “xogar” coas fotos e ler. Seguro que nesta convocatoria preséntanse mais fotografías que na do ano pasado.

SEMANA DA PRENSA

O alumnado de 1º ESO estivo traballando coa prensa durante a semana do 17 ao 21 de marzo. Organizados en equipos tiñan que "editar" un xornal: cabeceira, seccións, noticias,..
Podedes velos traballando

Prensa 1º eso marzo 14 from aesperela

A continuación os exemplares realizados 

Prensa 1º eso marzo 14 xornais from aesperela

 

Os exemplares orixinais á vosa disposición na biblioteca. Non deixedes de lelos.